ძიძები და რეფერატები არ დაიბეგრებიან. ამის შესახებ უმრავლესობის წევრმა ზურაბ მელიქიშვილმა ბიუროს სხდომაზე განაცხადა.
"ბოლო დროს ვიღაცას მოსახლეობა შეგნებულად შეჰყავს შეცდომაში, რომ ძიძები და რეფერატები დაიბეგრებიან და ამის შესახებ თითქოს კანონპროექტი მზადდება. მინდა განვაცხადო, რომ ეს ინფორმაცია აბსურდია და მსგავსი ინიციატივა არც კი განიხილება", - აღნიშნა მელიქიშვილმა.
მისი თქმით, სკვერებში, სადაც ბავშვებს ძიძები ასეირნებენ, სპეციალური ჯგუფები დადიან და მათ ეუბნებიან, რომ სახელმწიფო მათ დაბეგვრას გეგმავს.
"აღნიშნული დაჯგუფების გამოსავლენად სამართალდამცველები უკვე მუშაობენ, რომლებიც დაადგენენ, რა მიზნით ხდება ცრუ ინფოამციის გავრცელება", - აღნიშნა მელიქიშვილმა.
ამასთან, პარლამენტის თავმჯდომარის დავით ბაქრაძის განმარტებით, ახალი საგადასახდო კოდექსის მიხედვით 30 ათასამდე შემოსვალის მქონე პირი არ იბეგრება, რაც გარანტიაა როგორც მცირე მეწარმეებისთვის, ასევე იმ კატეგორიის ადამინებისთვის, ვინც ძიძები და რეფერატები არიან.
