გაეროს უშიშროების საბჭოს სხდომაზე, რომელიც შეერთებული შტატების ინიციატივით იმართება, განიხილავენ რუსეთის მიერ უკრაინის საზღვრებთან დიდძალი სამხედრო კონტინგენტის თავმოყრასა და მოსკოვის მუქარის შემცველ ქმედებებს კიევის წინააღმდეგ.
გაეროში შეერთებული შტატების მუდმივი წარმომადგენლის, ელჩ ლინდა თომას-გრინფილდის განცხადებით, ევროპაში შექმნილი ვითარება სახიფათოა და მოითხოვს დაუყოვნებელ რეაგირებას, რომელიც რუსეთის დესტაბილიზაციის გამოწვევს ქმედებებს აღკვეთს.
ელჩმა გრინფილდმა მოუწოდა უშიშროების საბჭოს წევრებს, გაითვალისწინონ არა მხოლოდ მოსკოვის განცხადებები, არამედ მისი ქმედებებიც.
თომას-გრინფილდმა ასევე იმედი გამოთქვა, რომ რუსეთი აირჩევს დიპლომატიის და არა კონფლიქტის გზას.
მანამდე გაეროში რუსეთის ელჩი ვასილ ნებენზიამ მოუწოდა უშიშროების საბჭოს წევრებს, მხარი არ დაეჭირათ სხდომის ჩატარებისთვის და ამ ინიციატივას "მეგაფონური დიპლომატია" და რუსეთის შიდა საქმეებში ჩარევა უწოდა.
უშიშრობის საბჭოს სხდომის ჩატარების დაბლოკვისთვის, რუსეთის 15 წევრიდან 9-ის მხარდაჭერა სჭირდებოდა, თუმცა საბჭომ მხარი დაუჭირა სხდომის გამართვას.
სხდომის დასაწყისში საბჭო მოისმენს ინფორმაციას გაეროს უფრო წარმომადგენლისგან, რის შემდეგაც უშიშროების საბჭოს 15-ვე წევრი, მათ შორის აშშ, რუსეთი, საფრანგეთი, ირლანდია, დიდი ბრიტანეთი და ალბანეთი გააკეთებენ განცხადებას. საბჭოს პროცედურული წესების თანახმად, სიტყვა უკრაინის წარმომადგენელსაც მიეცემა.
სხდომის დაწყებამდე, ლინდა თომას-გრინფილდმა განაცხადა, რომ რუსეთის ქმედებები წარმოადგენს "აშკარა საფრთხეს საერთაშორისო მშვიდობისა და უსაფრთხოებისთვის და გაეროს წესდების წინააღმდეგ".
მისივე თქმით, საბჭოს წევრებმა "საგულდაგულოდ უნდა გამოიკვლიონ ფაქტები და განიხილონ რა ემუქრება უკრაინას, რუსეთს, ევროპას და საერთაშორისო წესრიგის ძირითად ვალდებულებებსა და პრინციპებს უკრაინაში რუსეთის შემდგომი შეჭრის შემთხვევაში".
ფოტო: Reuters
