მთავრობა თბილისის საერთაშორისო აეროპორტის ახალი ასაფრენ-დასაფრენი ბილიკის მშენებლობას გეგმავს.
როგორც მთავრობის სხდომის დაწყების წინ ეკონომიკისა და მდგრადი განვითარების მინისტრმა ვერა ქობალიამ განაცხადა, თბილისის საერთაშორისო აეროპორტის არსებულ ასაფრენ-დასაფრენ ბილიკს რეაბილიტაცია ესაჭიროება.
"თბილისს საერთაშორისო აეროპორტში ახალ ასაფარენ-დასაფრენი ბილიკის მშენებლობაზე მთავრობის სხდომაზე ვიმსჯელებთ. დღეისათვის არსებულ ბილიკს რეაბილიტაცია ესაჭიროება და ამიტომ გადავწყვიტეთ, რომ პარალელურ რეჟიმში ახალი ბილიკის მშენებლობა დავიწყოთ" - განაცხადა ვერა ქობალიამ.
მინისტრის თქმით, ამ დროისათვის ასაფრენ-დასაფრენი ბილიკის საპროექტო სამუშაოები მიმდინარეობს და საბოლოო თანხა, თუ რა დაჯდება ეს პროექტი, ამ დროისათვის ცნობილი არ არის. თუმცა, მინისტრის განმარტებით, პროექტის დასაფინანსებლად საქართველოს გარკვეულ თანხას საფრანგეთის მთავრობა გამოუყოფს.
ვერა ქობალიას ინფორმაციით, თბილისის საერთაშორისო აეროპორტის ახალი-ასაფრენ დასაფრენი ბილიკის მშენებლობა 2011 წლის დასაწყისიდან უნდა დაიწყოს.