ახალი საბიუჯეტო კოდექსის თანახმად, 2012 წლიდან ყველა საბიუჯეტო ორგანიზაცია პროგრამულ ბიუჯეტირებაზე გადადის. რეფორმის განხორციელებაში უკვე ექვსი საპილოტე სამინისტრო: იუსტიციის, ჯანდაცვის, განათლების, სასჯელაღსრულებისა და პრობაციის, სოფლის მეურნეობისა და გარემოს დაცვის სამინისტროები მონაწილეობენ.
პროგრამული ბიუჯეტი არის მხარჯავი დაწესებულების მიერ დასახული პრიორიტეტების მისაღწევად განსახორციელებელი პროგრამების, პროექტების, ღონისძიებებისა და მათი ბიუჯეტების მოსალოდნელი შედეგებისა და შეფასების ინდიკატორთა ერთობლიობა.
როგორც ფინანსთა სამინისტროს საბიუჯეტო დეპარტამენტის უფროსი გიორგი კაკაურიძე განმარტავს, პროგრამული ბიუჯეტის დანეგვით ბიუჯეტის გამჭვირვალობა მაქსიმალურად გაიზრდება.
"პროგრამული ბიუჯეტის ერთ-ერთი მთავარი მიზანი არის ის რომ, იზრდება ბიუჯეტის გამჭვირვალობა. დღეისათვის აპრობირებულ ბიუჯეტს თუ პროგრამულ ბიუჯეტს შევადარებთ ვნახავთ, რომ ბიუჯეტის მე-5 თავში, სადაც გაწერილია თუ რომელ სახემწიფო უწყებას რა დაფინანსება აქვს, გაშლილი არ არის თუ რაში და როგორ იხარჯება შემდგომ ეს ფული. კი გასაგებია, რომ ვაფინანსებთ რეფერალურ პროგრამას, მაგრამ არსებული საბიუჯეტო სისტემით, არ ჩანს საკმარისია თუ არა ეს თანხა ამ კონკრეტული პროგრამის განხორიელებისათვის. პროგრამულ ბიუჯეტზე გადასვლით, დეტალურად გამოჩნდება საკმარისია თუ არა ეს თანხა პროგრამისა და შესაბამისი მიზნის მისაღწევად", _ აცხადებს გიორგი კაკაურიძე.
მისივე განმარტებით, რეფორმა მნიშვნელოვანია, თუმცა პირველ წლებში, შესაძლოა, გარკვეულმა პრობლემებმა და ხარვეზევბმაც იჩინოს თავი.
"პროგრამულ ბიუჯეტზე გასავლა გრძელი და რთული პროცესია. ფინანსურად ძლიერმა ქვეყანამ, ჰოლანდიამ, პროგრამულ ბიუჯეტზე გადასვლას 10 წელი მოანდომა. არავის აქვს იმის ილუზია, რომ 2012 წელს პროგრამული ბიუჯეტის დანერგვით პროგრამა იქნება სრულყოფილი. რეფორმის პირველი ეტაპი იქნება ის რომ ბიუჯეტის გამჭვირვალობა გაიზრდება. 2013 წლიდან უნდა გავაუმჯობესოთ როგორც ინდიკატორების ასევე მოსალოდნელი შედეგების განსაზღვრა. 3-4 წლის შემდეგ კი მივიღებთ ისეთ პროგრამულ ბიუჯეტს, რომელიც რეალურად უნდა იყოს. ეს იქნება ძალან მართივი და ბიუჯეტის წამკითხვა და გაგება შეეძლება ყველას", _ აცხადებს კაკაურიძე.
ფინანსთა სამინისტროს ინფორმაციით, ის საპილოტე სამინისტროები რომლებიც ჩვეულებრივი ბიუჯეტის პარალელურად, პროგრამულ ბიუჯეტრის პროექტსაც ახორციელებენ, ქვეყნის მთავარი საფინანსო დოკუმენტის აღსრულებას აწარმოებს, როგორც პროგრამულად, ასევე ჩვეულებრივი დღეისათვის დადგენული ნომრებით.