ნატოს მიერ საქართველოს მხარდაჭერა შეიძლება იქამდე მივიდეს, რომ საქართველომ ახალი აგრესია წამოიწყოს. ამ უკანასკნელის შედეგები კი საქართველოსათვის 2008 წლის აგვისტოზე გაცილებით უფრო სავალალო იქნება. აცხადებს რუსი ექსპერტი მიხეილ ჩერნოვი ნატოს საპარლამენტო ასამბლეის მიერ საქართველოს საკითხზე მიღებული ახალი რეზოლუციის კომენტირებისას.
მისივე თქმით, ნატოს საპარლამენტო ასამბლეის მიერ მიღებული რეზოლუცია მოწმობს მხოლოდ იმას, რომ საერთაშორისო დონეზე, კერძოდ, კი ალიანსის მხრიდან რუსეთზე ზეწოლა გაიზარდა.
"ადრე ნატო საქართველოსთან სოლიდარობას მხოლოდ ფორმალურად გამოხატავდა, ახლა კი თავს უფლება მისცა და ამგვარი რეზოლუცია მიიღო. ასეთი რამ ნატოს არასოდეს გაუკეთებია", _ აცხადებს ჩერნოვი თუმცა იქვე დასძენს, რომ ისე, საქართველოს ხელისუფლებას რამდენიც უნდა იმდენი უხაროდეს თუ უნდა ნატოს მიერ გაკეთებული ამგვარი განცხადებები - მათ გამო რეალურად სიტუაცია მაინც არ შეიცვლება.
"მეტიც, საქართველოს ტყუილად უხარია. ამგვარი განცხადებები სიტუაცია მხოლოდ დაძაბულობამდე შეიძლება მივიდეს. ეს ხისტი რიტორიკა და საქართველოს სამხედრო პოტენციალის მხარდაჭერა შეიძლება კავკასიაში ახალ აგრესიამდე მივიდეს. ამ შემთხვევაში კი შედეგები საქართველოსათვის შეიძლება გაცილებით უფრო სავალალო იყოს ვიდრე 2008 წლის აგვისტოში", _ აცხადებს რუსი ექსპერტი.