პოლიტოლოგი ირაკლი სესიაშვილი აშშ-ის პრეზიდენტთან შეხვედრის გამო ქართული მხარის კმაკოფილებას "გადაჭარბებულად" მიიჩნევს და აცხადებს, რომ ბარაკ ობამამ მხოლოდ "სტანდარტული შეფასებები" გააკეთა.
"ეს იყო სტანდარტული შეფასებები, რომლებიც შეერთებული შტატების ხელისუფლების მხრიდან აქამდეც გაკეთებულა. არაფერ კონკრეტულზე და ახალზე საუბარი არ ყოფილა, ყოველ შემთხვევაში, თეთრი სახლისა და საქართველოს პრეზიდენტის ადმინისტრაციის მიერ გავრცელებულ განცხადებებში სიახლე არაფერია. აქედან გამომდინარე, მიხეილ სააკაშვილის გადაჭარბებული კმაყოფილება ხელოვნურადაა შექმნილი", - განუცხადა სესიაშვილმა "ჯი-ეიჩ-ენს" ორი ქვეყნის პირველი პირების პირისპირ შეხვედრაზე კომენტირებისას.
შეგახსენებთ, რომ მიხეილ სააკაშვილმა და ბარაკ ობამამ პირველი ოფიციალური პირისპირ შეხვედრა ლისაბონში მიმდინარე ნატოს სამიტის ფარგლებში გამართეს.
