ქუთაისში ყინულის მოედანი გაიხსნა.
ახალი კონსტრუქციის დამონტაჟებაზე 480 ათასი დაიხარჯა. თანხა ადგილობრივი ბიუჯეტიდან გამოიყო.
ყინულის მოედანი იმერეთის გუბერნატორმა ლაშა მაქაცარიამ და ქუთაისის მერმა გიორგი თევდორაძემ გახსნეს.
მათი განცხადებით, ნებისმიერ მსურველს, 24 საათის განმავლობაში მოედნით უფასოდ სარგებლობის შესაძლებლობა ექნება. სწავლის მსურველებს ეყოლებათ ინსტრუქტორებიც.
საციგურაო მოედანი ქუთაისის ერთ-ერთ მოედანზე, მოსწავლე ახალგაზრდობის პარკის წინ აიგო. იგი ზომით 600 კვადრატული მეტრია და ერთდროულად 200 ადამიანს იტევს.
მოედანი, რომელიც ინგლისიდან არის ჩამოტანილი, ულტრათანამედროვე ტექნიკით აღიჭურვა.
