თბილისში ჩრდილოკავკასიელ ხალხთა მეორე საერთაშორისო კონფერენცია მიმდინარეობს.
მას 15 ქვეყნის 80-მდე წარმომადგენელი ესწრება, მათ შორის უმეტესობა ექსპერტია.
რუსეთის მიერ განხორციელებული ეთნიკური წმენდის ფაქტები, ადამიანთა უფლებების მასობრივი დარღვევის შემთხვევები და კრემლის აგრესიული პოლიტიკის საპასუხოდ ერთიანი მშვიდობიანი კავკასიის იდეა - ეს ის საკითხებია, რომელსაც კონფერენციის მონაწილეები განიხილავენ.
მათი განცხადებით, რეგიონში განვითარებულმა უარყოფითმა პროცესებმა უკვე მიიპყრეს დასავლეთის ყურადღება. ექსპერტების თქმით, საჭიროა იმ გამოწვევებზე მსჯელობა, რაც ჩრდილოეთ კავკასიის რეგიონალურ სტაბილურობას ემუქრება.