დღეს, 20 ნოემბერს, ყაზბეგში, ტურიზმის ეროვნული სააგენტოს და ბილაინის მოწვევით, ახალი საბაზო სადგურის ამუშავებას მედიის წარმომადგენლები და ბლოგერები დაესწრებიან.
ტურიზმის ეროვნული სააგენტოს ორგანიზებით, ჟურნალისტები და ბლოგერები, რომლებიც საბაზო სადგურის ამუშავებას დაესწრებიან, მოინახულებენ ყაზბეგის ტურისტულ ადგილებს, გერგეტს, და დარიალის ხეობას.
ღონისძიებას ტურიზმის ეროვნული სააგენტოს დირექტორის მოადგილე ივანე ვაშაყმაძე და კომპანია ბილაინის გენერალური დირექტორი ანდრეი პიატახინი დაესწრებიან.
"ბილაინის ძირითად ამოცანას დაფარვის ზონის გაფართოება წარმოადგენს, კომპანიას დასახული აქვს, რომ 2011 წლის დასაწყისისთვის, დაფარვის ზონა მნიშვნელოვნად გაუმჯობესდეს. ქვეყნის ტურისტული მიმართულებების განსაკუთრებით გააქტიურების პარალელურად, ბილაინი ცდილობს, რომ საუკეთესო ხარისხის დაფარვის ზონა შესთავაზოს აბონენტებს, იქ სადაც ტურისტული ნაკადი განსაკუთრებით გაიზარდა", - აღნიშნავს ანდრეი პიატახინი, ბილაინის გენერალური დირექტორი.
რამდენიმე თვეა, ბილაინი აქტურად აფართოებს დაფარვის არეალს და შემდეგი 6 თვის განმავლობაში, იგეგმება საქართველოს იმ რეგიონების დაფარვაც, სადაც ბილაინის კავშირი შედარებით სუსტი იყო, მათ შორის სამცხე ჯავახეთში, იმერეთსა და სამეგრელოში.
განსაკუთრებული აქცენტი გაკეთება რაჭაზედაც, სადაც ქსელი ყველაზე სუსტად იყო წარმოდგენილი.
