22 და 23 ნოემბერს "ქორთიარდ მარიოტში" უძრავ ქონებაზე უფლებათა დაცვის საერთაშორისო და ეროვნული პრაქტიკის შესახებ სემინარი გაიმართება. სემინარს 30-ზე მეტი ადვოკატი და ეკონომიკისა და მდგრადი განვითარების სამინისტროს წარმომადგენელი დაესწრება. მსჯელობას საერთაშორისო და ქართველი ექსპერტები გაუძღვებიან.
სემინარი შეეხება ისეთ საკითხებს, როგორიცაა გირავნობა და იპოთეკა, სამეზობლო სამართალი და საცხოვრებელი სადგომის დათმობის ხელშეკრულება. განსაკუთრებული ყურადღება დაეთმობა სოციალურად დაუცველი მოსახლეობის - დევნილებისა და ეკონომიკურად გაჭირვებულების უფლებათა დაცვის საკითხებს.
სემინარის ორგანიზატორია გაეროს განვითარების პროგრამა გაეროს ევროპის ეკონომიკურ კომისიასა და საქართველოს სასჯელაღსრულების, პრობაციისა და იურიდიული დახმარების საკითხთა სამინისტროსთან არსებულ იურიდიული დახმარების სამსახურთან თანამშრომლობით.
სემინარს გახსნიან გაეროს განვითარების პროგრამის ხელმძღვანელის მოადგილე ინიტა პაულოვიჩა, გაეროს ევროპის ეკონომიკური კომისიის ეკონომიკურ საკითხთა ასოცირებული ოფიცერი არიელ ივანიერი და იურიდიული დახმარების სამსახურის დირექტორი ირაკლი კობიძე.