"რომპეტროლის სეზონი 2010"-ს დასკვნითი ეტაპი 21 ნოემბერს გაიმართება. წრიული რბოლა, რომელიც წლის გამარჯვებულ მრბოლელებს გამოავლენს, სტარტს კვირას, 14.00 საათზე, ვარკეთილში, „თბილისის ზღვის" გადასახვევთან (ატრაქციონების მომდებარე ტერიტორია) აიღებს.
საავტომობილო ფედერაციის ინფორმაციით, განვლილ ეტაპებზე მიღებული მაჩვენებლების შედეგების შეჯამების მიხედვით, Gთჩჩ კლასში პირველი ადგილისთვის მევლუდ მელაძე და არჩილ ბიძინაშვილი იასპარეზებენ, ხოლო მესამე ადგილისთვის ჯამური ქულების მიხედვით 4 ავტომრბოლელი.
„რაც შეეხება მონო კლასს, აქ პირველი და მეორე ადგილისთვის ორი პრეტენდენტი ლევან კვინიკაძე და დავით ჩხიკვიშვილი იბრძოლებენ, ხოლო მესამე ადგილის შესაძლო კანდიდატის ვინაობა ბუნდოვანია, ვინაიდან ჯამურ ქულათა რაოდენობით გამარჯვების შანსი რამდენიმე ავტომრბოლელს გააჩნია. ყველა გამარჯვებულს საჩუქრად ტრადიციულად „რომპეტროლ საქართველოს" საწვავი გადაეცემა,"-აცხადებს საავტომობილო ფედერაციის პრეზიდენტი მევლუდ მელაძე.
„ბოლო 3 წლის განმავლობაში საავტომობილო სპორტში ბევრი სასიკეთო ცვლილება მოხდა. ჩვენ მაქსიმალურად ვცდილობთ წავახალისოთ სპორტის ეს სახეობა, რომელიც დღეს პოპულარული და პრესტიჟული გახდა, არა მხოლოდ პროფესიონალთათვის, არამედ ავტომოყვარულებისთვისაც. უკვე სამი წელია ვრჩებით საავტომობილო სპორტის აქტიურ მხარდამჭერებად. ვამაყობთ, რომ ამ სპორტის განვითარებაში „რომპეტროლი" მუდმივად მონაწილეობს და მომავალშიც ხელს შევუწყობთ მის პოპულარიზაციას,"- აცხადებს „რომპეტროლ საქართველოს" ალექსანდრე ალბინი.
საავტომობილო ფედერაციის ინფორმაციით, "რომპეტროლის სეზონი 2010"-ს დასკვნით ეტაპზე სხვა მრბოლელებთან ერთად, რუსთავის რეკონსტრუირებული ავტოდრომის მფლობელი და გენერალური დირექტორი შოთა აფხაზავაც იასპარეზებს. „შოთა აფხაზავა მაღალი დონის მრბოლელია და სეზონის დახურვაზე რბოლის სურვილიც თავად გამოთქვა. ამ ტურნირში იგი კახაბერ ჩადუნელის ავტომობილით იასპარეზებს, ხოლო რბოლის დასრულების შემდეგ რუსთავის განახლებულ ავტოდრომთან დაკავშირებით ისაუბრებს, რომელსაც მთელ კავკასიაში ანალოგი არ გააჩნია და აქვს პოტენციალი მსოფლიო დონის ტურნირებს უმასპინძლოს,"- აცხადებს მევლუდ მელაძე.
აღნიშნული ტურნირით "რომპეტროლის სეზონი 2010" დასრულდება. უახლოეს მომავალში კი „რომპეტროლ საქართველო" ტრადიციულად გალადაჯილდოების ცერემონიას უმასპინძლებს, სადაც გასული სეზონის მრბოლელების ოფიციალური დაჯილდოვება და სამოვალო გეგმების გაცნობა მოხდება.
2008 წლიდან ავტოსპორტის გენერალური სპონსორი „რომპეტროლ საქართველოა". კომპანია ყველა ეტაპზე უზრუნველყოფს საწვავით მრბოლელებს, ასაჩუქრებს გამარჯვებულებს და ტრადიციად აქცია მათი წარმატებების შეჯამება გალა-დაჯილდოვების ცერემონიაზე, რომელიც ყოველი ახალი ეტაპის დაწყებამდე ტარდება.
