კეთილმოწყობის ღონისძიებებისთვის თბილისის 2011 წლის ბიუჯეტიდან 45278,1 ათასი ლარია გამოყოფილი.
ბიუჯეტის მიხედვით, აღნიშნულ თანხსებში იგეგმება განათების ქსელის ექსპლუატაცია და რეაბილიტაცია, რომლიც მიზანია გარე განათების არსებული ქსელის მოვლა-პატრონობა, მომსახურეობის ხარისხობრივი დონის ამაღლება, შემდგომში მოდერნიზაცია და განვითარება. ეს ითვალისწინებს გარე განათების ქსელის ექსპლუატაციას, შენობების არქიტექტურულ-მხატვრული მინათება და სხვა ღონისძიებების განხორციელებას.
ასევე იგეგმება ქალაქის ქუჩების 100%იანი განათება.
კეთილმოწყობის ღონისძიებების ფარგლებში 2011 წლის დედაქალაქის ბიუჯეტიდან გამოყოფილი თანხები ითვალისწინებს სანიაღვრე ქსელის ექსპლუატაციასაც. როგორც ბიუჯეტის პროექტშია აღნიშნული, ქალაქში არსებული სანიაღვრე ქსელების გაწმენდვა მოხდება, რომლის მოსალოდნელი შედეგი ქალაქში დატბორილი ადგილების აღმოფხვრა და ტრანსპორტის ფუნქციონირების ხელშეწყობაა.
კეთილმოწყობის ღონისძიებების ფარგლებში მოხდება ქალაქგაფორმებითი ღონისძიებები. კერძოდ: ქალაქის მაღალმხატვრულ დონეზე გაფორმება და სხვადასხვა ქალაქგაფორმებითი ღონისძიებების მოწყობა.
აღნიშნული ბიუჯეტის მიხედვით, 2011 წლის თბილისის ბიუჯეტი მიწისქვეშა გადასასვლელების მოვლა-პატრონობას ითვალისწინებს. მოხდება დედაქალაქში არსებული მიწისქვეშა გადასასვლელების ნორმალური ფუნქციონირებისთვის აუცილებელი დროული მიმდინარე და კაპიტალური შეკეთებები და სხვა ღონისძიებები.
იგეგმება ასევე ქალაქგამწვანებითი სამუშაოების ჩატარებაც.