რამდენიმე რეგიონის შემდეგ ხანძარმა სამეგრელოც მოიცვა.
ჩხოროწყუს რაიონში ცეცხლი სათიბში გაჩნდა . არსებობს საშიშროება, რომ ალი ტყის მასივსაც გადაედება. ვითარებას ისიც ართულებს, რომ ხანძარი მიუვალ ადგილასაა. მოხალისეთა ჯგუფები ცეცხლის ლოკალიზებას დღეს დილიდან ცდილობს.
თელავის რაიონის სოფელ ლეჩურის ტყეში კი ხანძრის ახალ კერას მესამე დღეა ებრძვიან. ცეცხლი მცირე ფართობზეა გავრცელებული და ძირითადად ფოთოლს უკიდია. ადგილზე ტექნიკის მიყვანა ვერ ხერხდება, შექმნილია სამაშველო ჯგუფი. ხანძრის გამომწვევ მიზეზად დაუდევრობა სახელდება.
აღნიშნულის გარდა დაუდევრობით გაჩენილ ხანძარს ებრძვიან ქვეყნის კიდევ რამდენიმე რაიონში.
