„ელიტ ელექტრონიქსმა" და „რომპეტროლ საქართველომ" სასაჩუქრე აქციის შესახებ მემორანდუმი გააფორმეს.
ორმხრივი თანამშრომლობის მემორანდუმს მხარეებმა "ელიტ ელექტრონიქსის" სათაო ოფისში გააფორმეს.
მემორანდუმს ხელი, „რომპეტროლ საქართველოს" გენერალურმა დირექტორმა ალექსანდრე ალბიანიმ და „ელიტ ელექტრონიქსის" დირექტორის პირველმა მოადგილემ დავით კენჭაძემ მოაწერეს.
"აქცია 1 დეკემბრიდან დაიწყება და ყველა მომხმარებელი, რომელიც „რომპეტროლ საქართველოს" ბენზინგასამართი სადგურების ქსელში 50 ლიტრ საწვავს ჩაასხამს, საჩუქრად 50 ლარის ღირებულების ვაუჩერს მიიღებს. ვაუჩერის განაღდებას მომხმარებელი "ელიტ ელექტრონიქსის" მაღაზიათა ქსელში ტექნიკის შეძენისას შეძლებს. ვაუჩერი ძალაშია პირველი დეკემბრიდან 31 დეკემბრის ჩათვლით. ვაუჩერის განაღდება შესაძლებელია იმ პროდუქტებზე, რომლებსაც აქვთ აქციის სპეციალური ნიშანი", - აღნიშნა დავით კენჭაძემ.
„ელიტ ელექტრონიქსისა" და „რომპეტროლ საქართველოს" ერთობლივი აქცია საახალწლო აქციას წარმოადგენს.