ჩინელი ინვესტორები კახეთში, სოფლის მეურნეობის დარგში პროექტების განხორციელებით დაინტერესდნენ.
კახეთის საინფორმაციო ცენტრის ინფორმაციით, ჰუნანის პროვინციიდან ჩამოსული დელეგაციის წევრები კახეთის გუბერნატორს გიორგი ღვინიაშვილს შეხვდნენ და თანამშრომლობის ფორმებზე შეთანხმდნენ.
„ჩვენ მუდმივად ვმუშაობთ იმაზე, რომ რეგიონში რაც შეიძლება ბევრი ინვესტიცია მოვიზიდოთ. ჩინეთში, ჰუნანის პროვინციაში, საიდანაც სტუმრები გვყვავდნენ, სოფლის მეურნეობა განვითარებულია. ეს შეხვედრა ძალიან ნაყოფიერი გამოვიდა, რადგან ამ შეხვედრის შემდეგ ჩვენ გვექნება კონკრეტული პროექტები, რომლებსაც მათ შევთავაზებთ და ვითანამშრომლებთ. დელეგაციის წევრები ჩვენთან თანამშრომლობით ძალიან არიან დაინტერესებულები", - განაცხადა შეხვედრის დასრულების შემდეგ გიორგი ღვინიაშვილმა. შეხვედრა მედიისთვის დახურული იყო.
