ამის შესახებ ფინანსთა მინისტრმა კახა ბაინდურაშვილმა, პარლამენტში, 2010 წლის სახელმწიფო ბიუჯეტის პროექტის წარდგენისას განაცხადა.

მისივე განმარტებით, თითოეულის შემთხვევაში 12 ათასი კვადრატული მეტრი ფართის გარემონტება მოხდა, სადაც 200-200-ზე მეტი პაციენტის მაღალ დონეზე მომსახურება გახდება შესაძლებელი.

"ამ საავადმყოფოებში არის ყველა აუცილებელი პირობა იმისთვის, რომ პაციენტმა უმაღლესი სამედიცინო მომსახურება მიიღოს. ახლა ჯანდაცვის სამინისტრო მათ უახლესი აპარატურით აღჭურვაზე მუშაობს", - განმარტა ბაინდურაშვილმა.

მისივე თქმით, რეაბილიტირებული ჟვანიას სახელობის კლინიკა და რკინიგზის საავადმყოფო სავარაუდოდ, დეკემბერში გაიხსნება.

გარდა ამისა, ბაინდურაშვილის განმარტებით, აქტიური მუშაობა მიმდინარეობს იმაზეც, რომ სხვა საავადმყოფოების რეაბილიტაციისთვის საჭირო საპროექტო სამუშაოების მიმდინარე წლის ბოლომდე დასრულება მოხდეს.

შეგახსენებთ, რომ საავადმყოფოების რეაბილიტაცია მთელი ქვეყნის მასშტაბით 2012 წლისთვის უნდა დასრულდეს.