აშშ-ის სენატის საგარეო საქმეთა კომიტეტის წამყვანი რესპუბლიკელი წევრი ჯიმ რიში ეხმიანება რუსეთის საგარეო საქმეთა სამინისტროს მიერ ვაშინგტონისა და ნატო-სთვის წაყენებულ პირობებს, რომლის თანახმადაც, ჩრდილოატლანტიკურმა ალიანსმა უარი უნდა თქვას აღმოსავლეთით გაფართოებასა და ყოფილი პოსტსაბჭოთა ქვეყნების მიღებაზე.
სენატორი მოუწოდებს აშშ-ის ადმინისტრაციასა და მოკავშირე ქვეყნების ლიდერებს, რომ უარყონ რუსეთის წინადადებები. ამასთან, სენატორი რიში გამოდის გაფრთხილებით, პუტინი შეეცდება ეს უარი სამხედრო აგრესიის საბაბად გამოიყენოს.
რუსეთის მთავრობის მიერ შეერთებული შტატებსა და ნატოს მიმართ გაკეთებული შეთავაზება დიპლომატიის შეურაცხყოფაა. ისინი ცდილობენ, რომ ჩვენ დავასრულოთ ის კრიზისი, რომელიც თავად რუსეთმა შექმნა...
რუსეთის ფედერაციაა გაცნობიერებული აქვს, რომ შეუძლებელია იმ წინადადებების მიღება, რომელიც მან წამოაყენა. ეს მოთხოვნები ეწინააღმდეგება არა მხოლოდ ნატოს ხელშეკრულების პრინციპებსა და სულისკვეთებას, არამედ ნატოს 30-ვე სუვერენული ქვეყნის მიერ მიღებული შეთანხმების კონკრეტულ ტექსტს. აშკარაა, რომ რუსეთი ცდილობს ომის საბაბი შექმნას. პუტინმა იცის, რომ აშშ და მისი 29 ნატოელი მოკავშირე არ აწარმოებენ და არც შემდგომში გამართავენ მოლაპარაკებებს უკრაინის მსგავსი სუვერენული სახელმწიფოების მომავალზე, რომლებსაც თავად უნდა შეეძლოთ საკუთარი არჩევანის გაკეთება...
ბაიდენის ადმინისტრაციამ და ყველა ჩვნემა ნატოს მოკავშირემ სწრაფად და ცალსახად უნდა უარყოს რუსეთის მოთხოვნები. ჩვენ ასევე მზად უნდა ვიყოთ იმისთვის, რომ პუტინმა ეს შესაძლოა გამოიყენოს, როგორდ უკრაინაში შეჭრის და სამხედრო ძალების გამოყენების საბაბი. კონგრესმა და პრეზიდენტის ადმინისტრაციამ უნდა იმოქმედოს, ეს არ უნდა დავუშვათ", - თქვა ჯიმ რიშმა.
