საქართველოს ტერიტორიების ოკუპაციის საერთაშორისო დონეზე დამკვიდრება რუსეთს იძულებულს გახდის გარკვეული ნაბიჯები გადაგას ან განაცხადოს, რომ საერთაშორისო ორგანიზაციის წევრობა აღარ უნდა, რაც მისთვის კატასტროფული ნაბიჯი იქნება.
ამის შესახებ "ჯი-ეიჩ-ენს" უმრავლესობის წევრმა დავით დარჩიაშვილმა ევროკომისიის თქვმჯდომარის ჯოზე მანუელ ბაროზუს განცხადების კომენტირებისას განუცხადა.
"იმედი მაქვს, რომ საქართველოსთან მიმართებაში, როგორც კონკრეტული სახლემწიფოების, ასევე საერთაშორისო დონეზე ტერმინი ოკუპაცია დამკვიდრდება, რაც ხელს შეუწყობს ჩვენი ქვეყნის დე ოკუპაციის დაწყების პროცესს. რაც უფრო ხშირად მოხდება ამის გამოყენება რუსეთი იძულებული გახდება აღიროს ოკუპაცია და გარკევული ნაბიჯები გადაგას, ან მას მოუწევს თქვას, რომ საერთაშორიოს ორგანიზაციების წევრობა აღარ სურს, რაც მისთვის დამღუპველი ნაბიჯი იქნება", - აღნიშნა დარჩიაშვილმა.
შეგახსენებთ, რომ ბრიუსელში საქართველოს პრეზიდენტთან მიხეილ საკაშვილთან შეხვედრის დროს ბაროზუმ აღნიშნა, რომ ევროკავშირი საქართველოს ოკუპაციას არასდროს შეეგუება.
