ვაშინგტონი რუსეთს "ცეცხლის შეწყვეტის" შესახებ 2008 წლის აგვისტოში აღებულ ვალდებულებებს კიდევ ერთხელ შეახსენებს
"რუსეთმა უნდა შეასრულოს ცეცხლის შეწყვეტის ხელშეკრულება და ამისთვის ვაშინტონი ყველაფერს აკეთებს", - განცხადება ამის შესახებ კი ამერიკის თავდაცვის მინისტრის მოადგილემ საერთაშორისო უსაფრთხოების საკითხებში ალექსანდრ ვერშბოუმ გააკეთა.
ვაშინგტონში, ჯონ ჰოპკინსის უნივერსიტეტში გამოსვლისას მან ისიც აღნიშნა, რომ რომ აშშ მხარს უჭერს საქართველოს მისწრაფებას ნატოში ინტეგრაციის კუთხით. ვ
გარდა ამისა, ერშბოუმ ავღანეთის სამშვიდობო ოპერაციაში საქართველოს მნიშვნელოვან წვლილზეც გაამახვილა ყურადღება.
"ჩვენ ვაგრძელებთ რუსეთზე ზეწოლას, რათა მან შეასრულოს 2008 წლის შეთანხმება ცეცხლის შეწყვეტის თაობაზე. ჩვენ ხაზგასმით აღვნიშნეთ, რომ ყველა მხარემ, რუსეთის ჩათვლით, უნდა გადადგას სათანადო ნაბიჯები რეგიონში სტაბილურობის ხელშესაწყობად. ჩვენ ასევე ხაზგასმით აღვნიშნეთ ჩვენს ქართველ მეგობრებთან, რომ კონფლიქტები სამხედრო გზით ვერ მოგვარდება. ჩვენ ვაგრძელებთ თავდაცვის სფეროში საქართველოს ტრანსფორმაციის მხარდაჭერას ევროატლანტიკური საზღვრების გასწვრივ. ეს დახმარება გულისხობს ინსტიტუციონალური რეფორმების მხარდაჭერას, რაც ხელს შეუწყობს საქართველოს მისწრაფებას ნატოში გაწევრიანებისკენ და ქვეყნის წვლილს საერთაშორისო უსაფრთხოების საქმეში კიდევ უფრო ეფექტურს გახდის", - განაცხადა ვერშბოუმ.
