ვისკონსინის შტატის ქალაქ უოკეშოში ავტომობილი საშობაო აღლუმის მონაწილეებს დაეჯახა, დაიღუპა 5 და დაშავდა 40-ზე მეტი ადამიანი.
დაღუპულთა და დაშავებულთა შესახებ ინფორმაცია ადგილობრივმა პოლიციამ გაავრცელა.
„ამ დროისთვის შეგვიძლია დავადასტუროთ, რომ გარდაცვლილია ხუთი და დაშავებულია 40-ზე მეტი ადამიანი. თუმცა, ეს რიცხვები შეიძლება, შეიცვალოს, რადგან ჩვენ ვაგროვებთ დამატებით ინფორმაციას. ახლომდებარე საავადმყოფოებში ბევრი ადამიანი თავისით მივიდა”, - ნათქვამია ინფორმაციაში.
დაშავებულებს შორის არიან ბავშვებიც.
დაკავებულია სავარაუდო დამნაშავე. ქუჩის მონაკვეთი, სადაც ინციდენტი მოხდა, გადაკეტილია. არ მუშაობს სავაჭრო ობიექტები და ოფისები.
