ასოციაცია "გლობალ სთარი" ქვეყნის მაშტაბით ახალი პროექტის განხორციელებას იწყებს.
კომპანია სასტუმროებისა და კვების ობიექტების კლასიფიკაციის პარალელურად კერძო ტიპის სასტუმრო სახლების შემოწმებასაც იწყებს, თუმცა მანამდე საჭიროა მეპატრონეებს ინფორამცია მიეწოდოს საერთაშორისო სტანდარტების დანერგვასთან დაკავშირებით.
"გლობალ სთარის" შემოთავაზებული სასტუმრო სახლების კლასიფიკაცია დაფუძნებულია ევროპულ გამოცდილებაზე.
კლასიფიკაციაში ჩამოყალიბებულია 159 მოთხოვნა, რომელიც ეხება, როგორც შენობა-ნაგებობებს და ინფრასტრუქტურას, ასევე სასტუმრო სახლების შიდა მოწყობას და სერვისს. კლასიფიკაცია ითვალისწინებს 1-4-მდე (ვარსკვლავი) კატეგორიას და თითოეული კატეგორიისთვის განსაზღვრულია, როგორც სავალდებულო მოთხოვნები, ასევე კრიტერიუმები დამატებითი ქულების მოსაპოვებლად.
"ჩვენი ასოციაცია რამოდენიმე თვეა სასტუმროებისა და რესტორნების კლასიფიკაციას ახორციელებს. შემდეგი ეტაპი იყო იმ სასტუმრო სახლების ე.წ. "გესტჰაუსების" კლასიფიკაცია, რაც ასე მნიშვნელოვანია ტურიზმის განვითარებისათვის.
ქვეყნის მაშტაბით საკმაოდ დიდი რაოდენობი "გესტჰაუსები" არსებობს, სადაც ძირითადად უცხოელი ტურისტები ჩერდებიან, ვიდრე შიდა ტურისტი. მნიშვნელოვანია, რომ ეტაპობრივად მოხდეს ევროპული სტანდარტების დაბერგვა და კლასიფიკაციის მინიჭება"- განაცხადა "გლობალ სტარის" დამფუძნებელმა მიხეილ ბატიაშვიმა.
აღსანიშნავია, რომ პროექტის პრეზენტაცია "გლობალ სტარმა" რამოდენიმე დღის უკან აჭარში მოაწყო და როგორც მიხეილ ბატიაშვილმა სააგენტო "ჯი-ეიჩ-ენთან" საუბრისას განმარტა მისი კომპანიისათვის ერთ-ერთი სამიზნე ბაზარი სწორედ რომ აწარის რეგიონია.
"ტურიზმის ეროვნული სააგენტოს" ხელმძღვანელი მაია სიდამონიძე მიიჩნევს, რომ ე.წ. "გესტჰაუსების" კლასიფიკაცია სამომავლოდ ფასების დარეგულირებას შეუწყობს ხელს.
"ქვეყანაში ტურიზმის განვითარებისათვის ერთ-ერთი მნიშვნელოვანი პირობაა განთავსების საშუალებების კლასიფიკაცია. ჩვნი მხარდაჭერით კომპანია "გლობალ სტარმა" სასტუმროებისა და რესტორნების კლასიფიკაციის პროცესი უკვე დაიწყო და ამიერიდან ე.წ. "გესტჰაუსების" კლასიფიკაცია იწყება. ისინი შეფასდებიან არა მარტო მომსახურეობის ხარისხით, არამედ შიდა მოწყობითა და ინფრასტრუქტურით.
პროექტის განხორციელებით, უცხოელი ტურისტების სწორი მოლოდინი შეექმნებათ ქართველოში ჩამოსვლისას და ასევე ბიზნესი იქნება მოტივირებული, რომ თავიანთი მომსახურეობა გაუმჯობესონ და მეტი ტურისტი მიიღონ, რაც ფასების რეგულაციას უწყობს ხელს,"- აცხადებს ტურიზმის ეროვნული სააგენტოს ხელმძღვანელი მაია სიდამონიძე.
შეგახსენებთ, რომ 5 მარტს ეკონომიკური განვითარების სამინისტროს, კულტურის, ძეგლთა დაცვისა და სპორტის სამინისტროსა და კომპანია "გლობალ სტარს" შორის ურთიერთთანამშრომლობის მემორანდუმი გაფორმდა. მემორანდუმი საქართველოში არსებული სასტუმროების კლასიფიკაციას (ვარსკვლავების მინიჭებას) ითვალისწინებს.
"გლობალ სტარში" განმარტავენ, რომ სასტუმროების შეფასების კრიტერიუმი დაფუძნებულია "Hotelstars"-ის მიერ აღიარებული ვარსკვლავების მინიჭების ერთიან სტანდარტზე.
ვარსკვლავების მინიჭებისთვის ჩამოყალიბებულია შეფასების 270 კრიტერიუმი, რომელიც მოიცავს სასტუმროს ინფრასტრუქტურას და მომსახურებას.