დღეს, 15 ნოემბერს, ტურიზმის ეროვნული სააგენტოს საინფორმაციო ცენტრში პრეზენტაცია გაიმართება.
პრეზენტაციაზე კომპანია "Global Star" სასტუმროებისა და რესტორნების კლასიფიკაციასთან ერთად სასტუმრო სახლების კლასიფიკაციის პროექტის დაწყების შესახებ ოფიციალურად განაცხადებს.
"Global Star "-ის მიერ შემოთავაზებული სასტუმრო სახლების კლასიფიკაცია დაფუძნებულია ევროპულ გამოცდილებაზე.
კლასიფიკაციაში ჩამოყალიბებულია 159 მოთხოვნა, რომელიც ეხება, როგორც შენობა-ნაგებობებს და ინფრასტრუქტურას, ასევე სასტუმრო სახლების შიდა მოწყობას და სერვისს.
კლასიფიკაცია ითვალისწინებს 1-4-მდე (ვარსკვლავი) კატეგორიას და თითოეული კატეგორიისთვის განსაზღვრულია, როგორც სავალდებულო მოთხოვნები, ასევე კრიტერიუმები დამატებითი ქულების მოსაპოვებლად.
