ამერიკული ტექნოლოგიურმა გიგანტმა Google-მა ახალი სმარტფონები - PIXEL 6 და PIXEL 6 PRO წარადგინა.
Pixel 6-ს 6.4-დიუმიანი FHD+ OLED ეკრანი ექნება, თითის ანაბეჭდების სკანერით. სმარტფონი ოპერაციულ სისტემა Android 12-ზე იმუშავებს. ოპერატიული მეხსიერება მობილურ მოწყობილობას 8GB-ის ოდენობის აქვს, ხოლო შიდა მეხსიერება 128 ან 256GB.
სმარტფონ Pixel 6-ის კორპუსის უკანა მხარეს განთავსებულია 50-მეგაპიქსელიანი კამერა, ხოლო წინა მხარე 8-მეგაპიქსელიანი კამერითაა აღჭურვილი.
რაც შეეხება სმარტფონ Pixel 6 PRO-ს, მისი QHD+ OLED ეკრანის ზომა 6.7 დიუმია. იგი ასევე იმუშავებს ოპერაციულ სისტემა Android 12-ზე. ოპერატიული მეხსიერება მობილურ მოწყობილობას 12GB-ის ოდენობის აქვს, ხოლო შიდა მეხსიერება 128, 256 ან 512GB.
Pixel 6 PRO-ს უკანა მხარეს განთავსებულია 50-მეგაპიქსელიანი მთავარი კამერა. ასევე მას წინა მოდელებისგან განასხვავებს 48-მეგაპიქსელიანი ტელეფოტო კამერა. კორპუსის წინა მხარეს განთავსებულია 12-მეგაპიქსელიანი კამერა.
ორივე სმარტფონი Google-ის მიერ შექმნილი ახალი პროცესორით Tensor SoC არის აღჭურვილი.
Pixel 6 -ის ფასები იწყება 599 აშშ დოლარიდან, ხოლო Pixel 6 Pro იწყება 899 აშშ დოლარიდან.
