საქართველოს პრეზიდენტი მიხეილ სააკაშვილი ყველა იმ ქართველ ბიზნესმენს, რომელიც ქობულეთის ტურისტული ზონის შექმნაში მონაწილეობს, მადლობას უხდის.
"მე მინდა ვუთხრა ყველა ურწმუნო თომას, რომელიც იძახის, რომ ქართველები გარბიან ქვეყნიდან და აქ არ ახორციელებენ ინვესტიციებს - თითქმის ყველა კომპანია, რომელიც აქ არის წარმოდგენილი ქართულია, თუმცა მივესამლებით უცხოურ ინვესტიციებსაც", - განაცხადა პრეზიდენტმა დღეს, ქობულეთის თავისუფალ ტურისტულ ზონაში ყოფნისას, სადაც პირველი 12 სასტუმროს მშენებლობას ჩაუყარა საფუძველი.
"მინდა თითოელ ქართულ კომპანიას მადლობა ვუთხრა და პირობა მივცე, რომ სახელმწიფოს მხრიდან აღებული ყველა ვალდებულება იქნება შესრულებული - ბათუმის ცენტრამდე დამაკავშირებელი გზა ამუშავდება მომავალი წლის ზაფხულში, ყველა კომუნიკაცია იქნება მოყვანილი უახლოეს თვეებში, გადასახადებთან დაკავშირებით აღებული ყველა ვალდებულება შესრულდება და ეს კონსტიტუციურად იქნება დაკანონებული, რასაც ვერც ერთი სხვა მთავრობა ვერ შეცვლის", - განმარტა სააკაშვილმა.
შეგახსენებთ, რომ ქობულეთის თავისუფალ ტურისტულ ზონაში სულ 20 სასტუმრო აშენდება და ინვესტორი კომპანიები ქონებისა და მოგების გადასახადისგან გათავისუფლდება.
