ფრანგული მოდის სახლი Givenchy მკაცრად გააკრიტიკეს მას შემდეგ, რაც პარიზის მოდის კვირეულის ჩვენებაზე წარადგინა მარყუჟის ფორმის ყელსაბამები.
ჩვენებაზე, სადაც Givenchy-ს 2022 წლის გაზაფხული-ზაფხულის კოლექცია წარადგინეს, სამი მოდელი ატარებდა მარყუჟის ფორმის ოქროსა და ვერცხლის ყელსაბამებს.
მოდის სახლი კრიტიკას ჯერჯერობით არ გამოხმაურებია.
სოციალურ ქსელ ინსტაგრამის ანგარიში Diet Prada, რომელიც მოდის კრიტიკითაა დაკავებული, წერს, რომ ვერავინ წარმოიდგენდა Burberry-ის მარყუჟის შემდეგ, Givenchy-ც იგივე შეცდომას გაიმეორებდა. "როგორც ჩანს, ინდუსტრია გამოცდილებაზე ვერ სწავლობს", - წერს Diet Prada.
ორი წლის წინ, მარყუჟის გამო Burberry-ც გააკრიტიკეს, რომელმაც მარყუჟი ჰუდის კაპიუშონზე გამოიყენა. "თვითმკვლელობა მოდა არ არის", - წერდა სოციალურ ქსელში მოდის სახლის ერთ-ერთი ყველაზე პოპულარული მოდელი, ლიზა კენედი. მაშინ Burberry-ს ბოდიშის მოხდა მოუწია.
