დააკავეს მამაკაცი, რომელმაც ლიონში საფრანგეთის პრეზიდენტ ემანუელ მაკრონს კვერცხი ესროლა.
მაკრონი ლიონში ვიზიტად იმყოფება. Eurexpo-ს გამოფენის დათვალიერების დროს პრეზიდენტს კვერცხი ესროლეს.
უსაფრთხოების სამსახურმა ახალგაზრდა დააკავა კაცი, რომელმაც მაკრონის დანახვისას დაიყვირა "გაუმარჯოს რევოლუციას" და კვერცხი ისროლა.
ეს პირველი შემთხვევა არ არის, როდესაც მაკრონს მსგავსი მეთოდებით თავს დაესხნენ. ივნისში საფრანგეთის პრეზიდენტი დრომის დეპარტამენტში იმყოფებოდა, სადაც შეკრებილ ხალხს მისასალმებლად მიუახლოვდა. ერთ-ერთმა კაცმა მაკრონს სილა გააწნა. მამაკაცი დააკავეს და ოთხთვიანი პატიმრობა შეუფარდეს.
სილის გაწვნის ინციდენტი ერთმნიშვნელოვნად დაგმო ყველა პოლიტიკოსმა, მათ შორის ოპოზიციის ლიდერებმაც. თავად მაკრონმა საზოგადოებას მოუწოდა მომხდარისთვის ზედმეტი მნიშვნელობა არ მიენიჭებინათ და განაცხადა, რომ ფრანგ ხალხთან შეხვედრას მომავალშიც გააგრძელებს.
