ბელარუსის ოპოციზიის ერთ-ერთი ლიდერი მარია კალესნიკავა ევროპის საბჭოს მიერ დაწესებული ვაცლავ ჰაველის პრემიის 2021 წლის ლაურეატი გახდა.
ეს გადაწყვეტილება ორშაბათს, 27 სექტემბერს, სტრასბურგში, ევროპის საბჭოს საპარლამენტო ასამბლეის (PACE) საშემოდგომო სესიის გახსნაზე გამოცხადდა.
დაჯილდოვების წარდგენისას, საპარლამენტო ასამბლეის პრეზიდენტმა რიკ დამსმა თქვა:
"წინააღმდეგობა გაუწია რეჟიმს, რომელმაც აირჩია ძალა და სისასტიკე მშვიდობიანი და ლეგიტიმური პროტესტის წინააღმდეგ, კალესნიკავამ აჩვენა, რომ ის მზად არის საფრთხე შეუქმნას თავის უსაფრთხოებას საკუთარ თავზე უფრო მნიშვნელოვანი საქმისთვის - მან აჩვენა ნამდვილი გამბედაობა."
კალესნიკავას სახელით, რომელსაც ცოტა ხნის წინ მინსკის სასამართლომ ხანგრძლივი პატიმრობა მიუსაჯა, პრემია მისმა დამ ტატიანა ხომიჩმა მიიღო.
ვაცლავ ჰაველის პრემია, რომელიც დისიდენტისა და შემდგომში ჩეხეთის პრეზიდენტის, ვაცლავ ჰაველის სახელს ატარებს, 2013 წელს დაარსდა. პრემიის თანხა 60 ათასი ევროა. ჯილდოს ლაურეატები, სხვათა შორის, იყვნენ რუსი უფლებადამცველი ლუდმილა ალექსეევა და უფლებადამცველი ბელარუსიდან ალეს ბიალიაცკი.
