ცაგერში გიორგი გახარიას პარტიიდან მერობის კანდიდატის, ბესარიონ ბენდელიანის მანქანას ესროლეს.
"პარტია საქართველოსთვის წინასაარჩევნო კამპანიას, ფაქტობრივად, ვერ ატარებს. დღეს გამთენიისას მანქანა დაუცხრილეს ცაგერის მერობის კანდიდატს, ბესო ბენდელიანს. პასუხისმგებლობა მთლიანად ეკისრება "ოცნების" ხელმძღვანელობას: კობახიძეს, კალაძეს, ღარიბაშვილს, რომლებიც ყოველდღიურ რეჟიმში ამართლებენ ძალადობას და ახალისებენ სიძულვილის ენას. პასუხისმგებლობა ეკისრება შს მინისტრ გომელაურს, გენერალურ პროკურორ შოთაძეს, რომლებიც პირდაპირი მნიშვნელობით, არ გაინძრნენ. ეს ადამიანები დანაშაულს ვერ ხედავენ და არ რეაგირებენ სისტემურ დანაშაულზე".- განაცხადა ბრიფინგზე პარტია "საქართველოსთვის" ერთ-ერთმა ლიდერმა ნათია მეზვრიშვილმა.