ამერიკელი მსახიობი უილი გარსონი 57 წლის ასაკში გარდაიცვალა. გარდაცვალების მიზეზი ოფიციალურად არ დასახელებულა, თუმცა სხვადასხვა გამოცემის ცნობით, მას ონკოლოგიური დაავადება ჰქონდა.
გარსონს არაერთ სატელევიზიო ფილმსა და სერიალში მიუღია მონაწილეობა, თუმცა ყველაზე დიდი პოპულარობა მან სერიალ "სექსი დიდ ქალაქში" შესრულებული როლით მოიხვეჭა.
უილ გარსონი სერიალში "სექსი დიდ ქალაქში", მთავარი გმირის კერი ბრედშოუს მეგობრის, სტენფორდ ბლეტჩის როლს ასრულებდა. მან ასევე მიიღო მონაწილეობა სერიალ "სექსი დიდ ქალაქში" ფრენჩაიზის ორ ფილმში.
მსახიობი ასევე მონაწილეობდა ამ სერიალის გაგრძელებაში, რომლის გადაღებებიც ამჟამად მიმდინარეობს.
გარსონი თამაშობდა სერიალებში "თეთრი საყელო", "მეგობრები", "ტვინ პიკსი", "საიდუმლო მასალები"; ფილმებში "პატარა მანჰეტენი", "იყო ჯონ მალკოვიჩი" და ა.შ.
