თურქეთი მხარს უჭერს უკრაინის ტერიტორიულ მთლიანობას და არ აღიარებს ყირიმს რუსეთის შემადგენლობაში, - განაცხადა თურქეთის პრეზიდენტმა რეჯებ თაიფ ერდოღანმა გაეროს გენერალური ასამბლეაზე.
"ჩვენ დიდ მნიშვნელობას ვანიჭებთ უკრაინის ტერიტორიული მთლიანობისა და სუვერენიტეტის, მათ შორის ყირიმის დაცვას, რომლის ანექსიას არ ვაღიარებთ", - თქვა მან.
მანამდე, თურქეთის საგარეო საქმეთა სამინისტრომ განაცხადა, რომ ყირიმში სახელმწიფო დუმის არჩევნების შედეგებს ანკარასთვის იურიდიული ძალა არ აქვს. ამასთან დაკავშირებით რუსეთის პრეზიდენტის პრესსპიკერმა დმიტრი პესკოვმა განაცხადა, რომ რუსეთი თურქეთის მიერ ყირიმში არჩევნების არაღიარებას ვერ მიიღებს და იმედოვნებს, რომ ანკარის პოზიციები დროთა განმავლობაში შეიცვლება.
რუსეთის საგარეო საქმეთა სამინისტროს იფიციალურმა წარმომადგენელმა მარია ზახაროვამ აღნიშნა, რომ რუსეთი დასკვნებს გააკეთებს თურქეთის განცხადებასთან დაკავშირებით. მისი თქმით, თურქეთის პოზიცია ნეგატიურად აისახება ორმხრივ ურთიერთობებზე.
