რუსეთში პერმის სახელმწიფო უნივერსიტეტში შეიარაღებული თავდამსხმელი შეიჭრა.
20 სექტემბერს, დილით უცნობმა პირმა ცეცხლი გახსნა პერმის სახელმწიფო ეროვნული კვლევითი უნივერსიტეტის ტერიტორიაზე. უნივერსიტეტის ცნობით, თავდამსხმელი შეიარაღებული იყო ტრავმული იარაღით. უსაფრთხოების სამსახურები იარაღის შესახებ დეტალურ ინფორმაციას არ ავრცელებენ.
პოლიციის წინასწარი ინფორმაციით, ინციდენტის შედეგად არიან გარდაცვლილები და დაჭრილები. არ არსებობს ზუსტი მონაცემები შესაძლო მსხვერპლთა შესახებ, უნივერსიტეტმა განაცხადა, რომ ოთხი ადამიანი დაიღუპა.
რეგიონული ჯანდაცვის სამინისტროს მონაცემებით, დაშავებულია 10 -ზე მეტი ადამიანი. მათი ინფორმაციით, დაზარალებულებს არა მხოლოდ ცეცხლსასროლი იარაღით მიყენებული ჭრილობები ჰქონდათ, არამედ სხვა დაზიანებებიც, რადგან ზოგი ფანჯრიდან გადახტა.
ამ დროისთვის, თავმდამსხმელი დაკავებულია.
