ამ იდეის სრულყოფილად განხორციელებისათვის პირველ რიგში შეიქმნა ახალი, 4 000 კვ. მეტრზე განთავსებული საწარმო, რომელშიც 5 მილიონი ლარის ინვესტიცია ჩაიდო. აქამდე "პოპულის" 42 მაღაზიაში ადგილობრივად ხდებოდა საკვების წარმოება, რის გამოც ყველა სავაჭრო ობიექტში საკვების ხარისხისა და გემოვნური თვისებების კონტროლი შეუძლებელი იყო. სწორედ ამის გამო გადაწყვიტა "პოპულის" აქციონერთა საბჭომ სოლიდური ინვესტიაცია დაებანდებინა, სანაცვლოდ კი მაღაზიათა მთელ ქსელში პროდუქციის გარანტირებულად მაღალი ხარისხი მიეღო.

დღეს უკვე ახალ საწარმოში ხდება ხილ-ბოსტნეულის, ხორცის, თევზის, ყველის, მზა საჭმელის, ქართული და ფრანგული ტექნოლოგიის პურ_ფუნთუშეულისა და სხვა პროდუქციის წარმოება და შემდეგ "პოპულის" მთელი სავაჭრო ქსელი სწორედ ამ საწარმოდან მომარაგება.

"პოპულის" მენეჯმენტის ინფორმაციით, ახალი საწარმო გამოირჩევა შემდეგი უნიკალური თვისებებით, რომელთა დამსახურებით ანალოგი არა მხოლოდ საქართველოში, არამედ მთელ ამიერკავკასიაში არ აქვს.
საწარმოში წარმოდგენილი ტექნიკა და სპეცმასალა ევროპის წამყვანი ქვეყნებიდან არის ჩამოტანილი, უნიკალურია და დაპროექტებულია უცხოელი სპეციალისტების მიერ.
წარმოებული პროდუქცია იფუთება უახლესი ტექნოლოგიით და მისი ტრანსპორტირება ხდება ისე, რომ პროდუქცია ინარჩუნებს ყველა საუკეთესო და აუცილებელ თვისებას.
აღსანიშნავია, რომ საწარმოს ყველა დეპარტმენტს უცხოეთიდან მოწვეული პროფესიონალი ტექნოლოგი ხელმძღვანელობს, რომელიც თავიდან ბოლომდე არეგულირებს წარმოების პროცესს. დეპარტამენტების ხელმძღვანელთა შორის არიან გერმანელი და ფრანგი სპეციალისტები, რომლებიც "პოპულის" მუდმივი, შტატიანი თანამშრომლები არიან. საწარმოს დანარჩენმა თანამშრომლებმა გაიარეს სპეციალური ტრეინინგი, რომლის საფუძველზეც აითვისეს მსგავს საწარმოში მუშაობის სპეციფიკა და ყველა ის ნორმა, რომელიც აუცილებლად უნდა იყოს დაცული.

საწარმოში, სადაც ყოველ დილით გამთენიისას ყველა კერძი დაფასოებული და ლაბორატორიულად შემოწმებულია, მთელი ღამის მანძილზე, საწარმოს 6 სხვადასხვა განყოფილების 150 კვალიფიციური მუშახელი ამზადებს მომხმარებლისათვის საყვარელი კერძებისა და პროდუქტების ფართო ასორტიმენტს.