საქართველოში ამ დროისათვის სრულად COVID-ვაქცინირებულია მოზრდილი მოსახლეობის 17.1%.
დაავადებათა კონტროლის ეროვნული ცენტრის მონაცემებით, 7 სექტემბრის მონაცემებით სულ ჩატარებულია 1 340 062 აცრა. 1 დოზით ვაქცინირებულია 850 868 ადამიანი - მოზრდილი მოსახლეობის 29.8%-ი. სრულად ვაქცინირებულია 489 194 ადამიანი - მოზრდილი მოსახლეობის 17.1%-ი.
6 სექტემბერს აიცრა 24 262 ადამიანი.
ვაქცინაციის პროცესი საქართველოში 15 მარტს დაიწყო. დღევანდელი მონაცემებით, საქართველოში ოთხი ვაქცინით, "სინოფარმით", "სინოვაკით", "ასტრაზენეკათი" და "ფაიზერით" აცრაა შესაძლებელი.
ვაქცინაციის გეგმის თანახმად, წლის ბოლომდე, საქართველოს მოსახლეობის 60%, ანუ მილიონ 700 ათასი ადამიანი უნდა აიცრას.
