შესაძლებელია, მოქალაქემ „სინოფარმის“ ნაცვლად არჩევანი „სინოვაკზე“ შეაჩეროს, რომელიც იდენტურია, მიიჩნევს ჯანდაცვის მინისტრის მოადგილე.
„ვაქცინებზე დღეს ფიზიკური ხელმისაწვდომობა ძალიან მაღალია. ქვეყანაში რეალურად 2 მილიონზე მეტი ვაქცინის თავისუფალი დოზაა. ის, რომ „სინოფარმის“ დოზები პირველი აცრისთვის შეიზღუდა, ამასთან დაკავშირებით, ჯერ კიდევ გასულ კვირას გააკეთა განცხადება დაავადებათა კონტროლის ეროვნულმა ცენტრმა. კარგია, რომ “სინოფარმზე“ მაღალი აქტივობა იყო, პრაქტიკულად ამოიწურა ის დოზები, რომელიც შევისყიდეთ. ვიდრე ახალი დოზების დონაციით მოწოდება მოხდება სექტემბრის გარკვეულ პერიოდში, მანამდე ხელმისაწვდომია „სინოვაკი“, აბსოლუტურად იდენტურია ეს ორი ვაქცინა. შესაძლებელია, მოქალაქემ „სინოფარმის“ მაგივრად არჩევანი „სინოვაკზე“ შეაჩეროს. ბუნებრივია, „ფაიზერის“ ვაქცინაც რჩება მიმოქცევაში“,-აღნიშნავს თამარ გაბუნია.
