საქართველოში ამ დროისათვის სრულად covid-ვაქცინირებულია მოზრდილი მოსახლეობის 13.4%-ი.
დაავადებათა კონტროლის ეროვნული ცენტრის მონაცემებით, 30 აგვისტოს მონაცემებით სულ ჩატარებულია 1 164 402 აცრა. 1 დოზით ვაქცინირებულია 780 948 ადამიანი - მოზრდილი მოსახლეობის 27.3%-ი.
სრულად ვაქცინირებულია 383 454 ადამიანი - მოზრდილი მოსახლეობის 13.4%-ი.
29 აგვისტოს აიცრა 17 670 ადამიანი.
ვაქცინაციის პროცესი საქართველოში 15 მარტს დაიწყო. დღევანდელი მონაცემებით, საქართველოში ოთხი ვაქცინით, "სინოფარმით", "სინოვაკით", "ასტრაზენეკათი" და "ფაიზერით" აცრაა შესაძლებელი.
ვაქცინაციის გეგმის თანახმად, წლის ბოლომდე, საქართველოს მოსახლეობის 60%, ანუ მილიონ 700 ათასი ადამიანი უნდა აიცრას.
