ბაღდათში გაჩენილი ხანძრის შედეგად 4 ჰექტარი ტყის მასივი განადგურდა.
რუსთავი 2-ის ინფორმაციით, ზეკარის ტყეში ცეცხლის ლოკალიზება ამ დრომდე ვერ ხერხდება. ამჟამად ცეცხლი ფოთლოვანი ტყის მასივზეა მოდებული, თუმცა შესაძლოა ის წიწვოვან ხეებზეც გავრცელდეს.
ხანძრის გაჩენის სავარაუდო მიზეზად დაუდევრობა სახელდება. ხანძარსაწინააღმდეგო სამუშაოებს სატყეო სააგენტოს და ადგილობრივი მუნიციპალიტეტის წარმომადგენლები ადგილზე ამ წუთებშიც ახორციელებენ.
დასახლებულ პუნქტებზე ხანძრის გავრცელების საშიშროება არ არსებობს, რადგან ტყიდან უახლოესი სოფელი 15 კილომეტრით არის დაშორებული.
ზეკარის ტყეში ხანძარი გუშინ გაჩნდა.
