ჯანდაცვის სამინისტრო ეპიდემიოლოგიური ვითარების დასასტაბილურებლად მალე ახალ რეკომენდაციებს შეიმუშავებს, რომელსაც საკოორდინაციო საბჭოს წარუდგენს. როგორც ჯანდაცვის მინისტრმა განაცხადა, სამინისტროში კვირის ბოლოს კიდევ ერთხელ მოხდება შეკრება და ახალი რეკომენდაციების ჩამოყალიბება
„დღეს ოთხშაბათია, შესაბამისად, ნაადრევია იმაზე საუბარი, თუ რა იქნება შემდეგი რეკომენდაციები რეგულაციებთან მიმართებაში. ჩვენ კვირის ბოლოს კიდევ ერთხელ შევიკრიბებით ჯერ სამინისტროში, ჩამოვყალიბდებით რა იქნება შემდეგი რეკომენდაცია და ამას როგორც ყოველთვის, წერილობითი ფორმით მივაწვდით საბჭოს განხილვისთვის“,-აღნიშნავს ტიკარაძე.
