აცრა არის ღვთის წყალობა ამ განსაცდელში - წერს სოციალურ ქსელში დეკანოზი თამაზ ლომიძე.
სასულიერო პირი მოქალაქეებს მოუწოდებს, უარი არ თქვან ღვთის წყალობაზე უაზრო ცრურწმენების გამო.
"მე სრულად აცრილი ვარ. ჩემი ოჯახის ყველა წევრიც აიცრა. ვინც აზრს მეკითხება, ყველას ვურჩევ სასწრაფოდ აიცრას. არ გამაჩნია არავითარი შიში და ეჭვი ამასთან დაკავშირებით. აცრა არის ღვთის წყალობა ამ განსაცდელში. აცრა აუცილებელია სიცოცხლის გადასარჩენად და ეპიდემიის დასამარცხებლად. როდემდე უნდა გამოსცადოთ ღმერთი?! ნუ გადააგდებთ ღმერთისგან ნაჩუქარ სიცოცხლეს დაუდევრობისა და რაღაც უაზრო ცრურწმენების გამო. დაფიქრდით და გაიგეთ: დღეს აცრა არის სიცოცხლის გადარჩენა!", - წერს დეკანოზი.
