ათენის უნივერსიტეტის გეოლოგიისა და ეკოლოგიის ინსტიტუტის შეფასებით, საბერძნეთის მასშტაბით 90 000 ჰექტარი დაიწვა.
"მონაცემები მუდმივად იცვლება, რადგან სიტუაცია ჯერ კიდევ მძიმეა", - თქვა ნიკი ეველპიდუმ, ინსტიტუტის პროფესორმა.
მისი თქმით, საფრთხე შენარჩუნდება მაშინაც კი, როდესაც ხანძარი ჩაქრება, რადგან მათ ხშირად მოყვება "წყალდიდობა, ტალახი და მეწყერი, რამაც შეიძლება გამოიწვიოს კატასტროფული შედეგები".
გეოლოგიის ინსტიტუტის თანახმად, საბერძნეთის ყველაზე დიდი ტერიტორია ეგეოსის ზღვაში მდებარე კუნძულ ევბეაზე დაიწვა, სადაც ხანძარი კვლავ მძვინვარებს: დაახლოებით 51 ათასი ჰექტარი ტყე უკვე ნაცრად იქცა. ასევე ძლიერ დაზიანდა პელოპონესის ნახევარკუნძული, სადაც ძველი ოლიმპოს რაიონის მიდამოებში დაიწვა დაახლოებით 10 000 ჰექტარი.
