ამერიკულმა ტელეკომპანიამ CNN-მა გაათავისუფლა სამი თანამშრომელი, რომლებიც ოფისში შესვლას ვაქცინაციის გარეშე ცდილობდნენ.
თანამშრომელთა გათავისუფლების შესახებ ცნობილი გახდა CNN-ის ხელმძღვანელის ჯეფ ზაკერის მოხსენებიდან, რომელიც ამერიკულ მედიასაშუალებებს ხელში ჩაუვარდათ.
"ყველა, ვინც ახალ ამბებზე, სპორტის ამბებსა და სტუდიებში მუშაობს, აცრილი უნდა იყოს. ნება მომეცით, მკაფიოდ ავხსნა, რომ ჩვენ გვაქვს ნულოვანი ტოლერანტობის პოლიტიკა ამ საკითხთან დაკავშირებით", - ნათქვამია ზაკერის მოხსენებაში.
ეს არის ერთ-ერთი პირველი შემთხვევა, როდესაც ამერიკული კომპანია თანამშრომლებს აუცრელობის გამო ათავისუფლებს.
შეერთებულ შტატებში კანონმდებლობა უფლებას ანიჭებს დამსაქმებლებს, თანამშრომლებს კორონავირუსის წინააღმდეგ ვაქცინაცია მოსთხოვონ.
ამერიკული უმსხვეილესი კორპორაციების Facebook-ისა და Google-ის განცხადებით, ისინიც მოითხოვენ თანამშრომელთა ვაქცინაციას, როდესაც მომდევნო თვეებში ოფისებში მუშაობას განაახლებენ.
გასულ კვირას, შეერთებული შტატების პრეზიდენტმა ჯო ბაიდენმა, ფედერალური უწყებების თანამშრომლებს დაავალა, წარადგინონ ვაქცინაციის დამაადსტურებელი დოკუმენტი ან დაექვემდებარონ სავალდებულო ტესტირებას და ნიღბების ტარებას.
