ნიუიორკელთა დაახლოებით 59% ფიქრობს, რომ შტატის გუბერნატორმა ენდრიუ კუომომ თანამდებობა უნდა დატოვოს მას შემდეგ, რაც იგი გენერალურმა პროკურატურამ 11 ქალის სექსუალურ შევიწროებაში დაადანაშაულა. კვლევის შედეგები ორგანიზაცია Marist Poll-მა გამოაქვეყნა.
სატელეფონო გამოკითხვა ნიუ იორკის შტატში, 3 ივლისს ჩატარდა, შემთხვევით შერჩეულ 614 მოზრდილ რესპოდენტთან.
გამოკითხულთა 59%-მა განაცხადა, რომ გამოძიების შედეგების გათვალისწინებით, კუომომ თანამდებობა უნდა დატოვოს. 32% მიიჩნევს, რომ გუბერნატორმა თავისი ვადის ამოწურვამდე უნდა განაგრძოს მუშაობა, ხოლო 9 პროცენტმა თქვა, რომ მათ არ აქვთ მკაფიო პოზიცია ამ საკითხთან დაკავშირებით .
ნიუ იორკის გენერალური პროკურორის ლეტიშა ჯეიმსის მიერ დამოუკიდებელი გამოძიების შედეგების გავრცელების შემდეგ, კუომომ ვიდეომიმართვა გაავრცელა, სადაც ის ირწმუნება, რომ უდანაშაულოა და გადადგომას არ აპირებს.
ნიუ იორკის გუბერნატორს გადადგომისკენ მოუწოდა შეერთებული შტატების პრეზიდენტმა, ჯო ბაიდენმა.