შეერთებული შტატების სურსათისა და მედიკამენტების ადმინისტრაცია (FDA) გეგმავს, "ფაიზერის" ვაქცინას სრული ავტორიზაცია სექტემბრის დასაწყისში მიანიჭოს. იტყობინება New York Times-ი ინფორმირებულ წყაროზე დაყრდნობით.
წყაროს ინფორმაციი, სავარაუდოდ, ადმინისტრაცია პრეპარატს სრულ ავტორიზაციას სექტემბრის პირველ ორშაბათს მიანიჭებს.
გასულ კვირას, შეერთებული შტატების პრეზიდენტმა ჯო ბაიდენმა განაცხადა, რომ იგი ფაიზერის ვაქცინის სრულ დამტკიცებას შემოდგომაზე მოელის.
ამ დროისთვის, შეერთებული შტატების სურსათისა და მედიკამენტების ასოციაციის მიერ გადაუდებელი გამოყენებისთვის დამტკიცებულია მხოლოდ სამი ვაქცინა - "ფაიზერი", "მოდერნა" და "ჯონსონ ენდ ჯონსონი". არცერთ მათგანს სრული ავტორიზაცია არ აქვს მინიჭებული.
"ფაიზერმა" FDA-ის სრული დამტკიცების განაცხადით 7 მაისს მიმართა, "მოდერნამ" 1-ელ ივნისს. "ჯონსონ ენდ ჯონსონი" კი სავარაუდოდ, წლის ბოლოს მიმართავს.