უკრაინელმა მოჭიდავემ ჟან ბელენიუკმა (87 კგ), ბერძნულ-რომაული სტილით ჭიდაობაში, ტოკიოს ოლიმპიურ თამაშებზე ოქროს მედალი მოიპოვა.
ფინალში ბელენიუკის მეტოქე იყო უნგრელი ვიქტორ ლორინცი, რომელიც 5:1 დაამარცხა.
ეს არის უკრაინის პირველი ოქროს მედალი ტოკიოს ოლიმპიურ თამაშებზე.
ჟან ბელენიუკი არამხოლოდ უკრაინას წარადგენს ოლიმპიადაზე, არამედ იგი არის უმაღლესი რადას დეპუტატი, მმართველი პარტია "ხალხის მსახურის" სიით.
ან ბელენიუკი 1991 წელს კიევში დაიბადა. მამამისი წარმოშობით რუანდიდან იყო, დედა კი უკრაინელია. ბელენიუკმა ჭიდაობა 2000 წელს დაიწყო. იგი არის მსოფლიოს ორგზის და ევროპის სამგზის ჩემპიონი.