პოპულარული ბარბადოსელი მომღერალი, რიანა მილიარდერი გახდა.
ბიზნესგამოცემა Forbes-ის ინფორმაციით, მომღერლის ქონება 1.7 მილიარდ დოლარს შეადგენს.
გამოცემის ინფორმაციის თანახმად, რიანამ ქონების უდიდესი ნაწილი, კერძოდ, 1.4 მილიარდი დოლარი კოსმეტიკური ბრენდი Fenty Beauty -ის წყალობით დააგროვა, რომელიც მან 2017 წელს დააარსა.
კოსმეტიკური ბრენდი მომღერალმა ფრანგული კომპანია LVMH-ის მფლობელ ბერნარ არნოსთან ერთად დააფუძნა.
გარდა ამისა, რიანა ფლობს 270-მილიონიან წილს თეთრეულის კომპანიაში Savage x Fenty.
სხვა შემოსავლები, რიანამ მიიღო მსახიობისა და მომღერლის საქმიანობისგან.
9 გრემის მფლობელი რიანა მსოფლიოში ერთ-ერთი ყველაზე გაყიდვადი მუსიკოსია.