კიევში დააკავეს პირი, რომელიც უკრაინის მინისტრთა კაბინეტში ხელყუმბარის აფეთქებით იმუქრებოდა.
უკრაინის ეროვნული პოლიციის უფროსმა იგორ კლიმენკომ დაადასტურა, რომ დაკავებულს ნამდვილად ჰქონდა საბრძოლო ხელყუმბარა.
კლიმენკოს თქმით, პირი, რომელიც აფეთქებით იმუქრებოდა, უკრაინის ტერიტორიული მთლიანობისათვის ბრძოლების ვეტერანია და საბრძოლო მოქმედებებში ორჯერ დაიჭრა.
ადგილობრივი მედიის ცნობით, დაკავებულს რაიმე მოთხოვნა არ ჰქონდა წამოყენებული, ის ამბობდა, რომ "ყველაფერი ყელში ამოუვიდა".
პოლიცია დაკავებულთან მოლაპარაკებებს, ერთ-ერთი რაიონული საბჭოს დეპუტატი, ვასილი ოლექსიუკის დახმარებით, ერთ საათზე მეტხანს აწარმოებდა. როგორც აღმოჩნდა, ოლექსიუკი იცნობდა დაკავებულს.
ბოროტმოქმედი უკრაინის მთავრობის სახლში დღეს დილით შეიჭრა.
