ძალიან საყვარელი ქალია ჩვენი კულტურის მინისტრი, რაც საშინელ რეაქციას იწვევს ქართველებში - ამის შესახებ ტელეკომპანია "იმედის" ეთერში რეჟისორმა, რობერტ სტურუამ განაცხადა.
"მე მგონია, რომ ძირითადად "ნაციონალური მოძრაობის" წევრები 9 წლის განმავლობაში საქართველოს ბიუჯეტს იტაცებდნენ. რატომ არიან ახლა ასეთი გამწარებულები, რატომ იგინებიან უშვერი სიტყვებით? დახტიანმ ცეკვავენ. მე მგონია, რომ უნიჭოები არიან. მინდოდა მეთქვა, მიფიქრია, რას ნიშნავს კულტურის მინისტრი. ახლა ძალიან საყვარელი ქალი გვყავს მინისტრად, რაც საშინელ რეაქციას იწვევს ქართველებში. მე ვფიქრობ, რომ კულტურის მინისტრმა უნდა დაუჭიროს მხარი ნიჭიერ ხალხს, უნიჭოებს კი ცოტა დაეხმაროს, რომ არ გაბოროტდნენ. ახლა ეს გაბოროტებული უნიჭო ხალხი გვაწვება ჩვენ", - აცხადებს სტურუა.
