ხორვატიის მოქალაქეები ამერიკაში უვიზოდ მიმოსვლას შეძლებენ. ინფორმაცია შეერთებული შტატების სახელმწიფო მდივანმა, ენტონი ბლინკენმა გაავრცელა.
ბლინკენის განცხადებით, სახელმწიფო დეპარტამენტმა ხორვატია სავიზო რეჟიმის გაუქმების პროგრამაში (Visa Waiver Program) წარადგინა.
"დღეს ხორვატია სავიზო რეჟიმის გაუქმების პროგრამაში გასაწევრიანებლად წარვადგინე. ეს ნაბიჯი აღიარებს ხორვატიის უზარმაზარ პროგრესს პროგრამის მკაცრი სტანდარტების დასაკმაყოფილებლად. მოველით, რომ აშშ-სა და ხორვატიას შორის ურთიერთობები გაღრმავდება", - წერს ენტონი ბლინკენი.
სახელმწიფო დეპარტამენტის ინფორმაციის მიხედვით ამ დროისთვის ამერიკასთან უვიზო რეჟიმი 38 ქვეყანაში მოქმედებს.
ხორვატია იყო ერთ-ერთი ევროკავშირის 4 ქვეყნიდან, რომელთა მოქალაქეებს ამერიკაში ვიზის გარეშე გამგზავრება არ შეუძლია. სავიზი რეჟიმი კვლავ ძალაში რჩება ევროკავშირის სამი ქვეყნისთვის, ბულგარეთის, რუმინეთისა და კვიპროსისთვის.
