გამომცემლობა "ინტელექტის" განცხადებით, ავტორების და დიზაინერების გადაწყვეტილებით, ლიტერატურული პრემია "ლიტერადან" გამომცემლობის ყველა წიგნი მოიხსნა.
"ჩვენი ავტორების გადაწყვეტილებით, გამომცემლობა ინტელექტმა პრემია ლიტერადან ყველა წიგნი მოხსნა!" - წერს გამომცემლობა.
წლის საუკეთესო პროზაული კრებული:
რუსუდან რუხაძე, „სიყვარულის წონა“
გურამ პეტრიაშვილი, „კაცი და მისი უცნაური პიანინო“
წლის საუკეთესო რომანი:
რატი მუჯირი, „მ@ილები ავღანეთზე“
ბექა ქურხული, „თვალდაკარგული ყივჩაღის ჩანაწერები ანუ დეშთი-ყიფჩაღი“
TORESA MOSSY, „ორდროშობანა“
საბა სავანელი, „ბინიტა. გზა უკაცრიელი“
ჯაბა ზარქუა, „ვაჟა-ფშაველას პირველი ჩიხი“
ივა ფეზუაშვილი, „ბუნკერი“
ნინო სადღობელაშვილი, „დაბადების დღე“
თეონა დოლენჯაშვილი, „ჩიტი არ გამოფრინდება"
წლის საუკეთესო პოეტური კრებული:
ნათია გიორგაძე, „ხმის მატარებელი“
თემურ ელიავა, „საქანელა“
ბელა ჩეკურიშვილი, „ნანას ცხენი“
ბესიკ ხარანაული, „ეჰ, ბესარიონ“
ბესიკ ხარანაული, „ბოლოშემართული შაშვი გრძნობას ვერ აგნებს“
ეკა ქევანიშვილი, „ღარიბების ტრანსპორტი არსად გაჩერდება“
ირმა შიოლაშვილი, „ოქტომბერი“
გიორგი შონია, „რობოტების ყვავილები“
წლის საუკეთესო დოკუმენტური პროზა:
ზვიად კვარაცხელია, „დარეკე! დაუბარე!“
ელიზბარ ელიზბარაშვილი, „ქიმიური რე-აქციები“
ვახტანგ ჯავახაძე, „გალაკტიონის გარეშე“
ციცი გაბესკირია, „ჰეი, თქვენ, დემოკრატებო!“
ბესიკ გვაზავა, „ბიზნესის ჰუმანიზაცია“
წლის საუკეთესო წიგნის დიზაინი:
თეონა ჭანიშვილი, „ნისლებში და ნისლებს მიღმა“
თეონა ჭანიშვილი, „ამბავი ლილე იროელისა“
თეონა ჭანიშვილი, „ცხოველების კარ-მიდამო“
თეონა ჭანიშვილი, „მანცხვარკარი“
თაკო ბაქრაძე, „კაცი და მისი უცნაური პიანინო“
თამაზ ჩხაიძე, „ვილაპარაკოთ. 33 ამბავი აფხაზეთზე“
წლის საუკეთესო დებიუტი:
ნინო სამყურაშვილი, „ჯავშანი“
ნანა აბულაძე, „აკუმი“
დავით ქაშიაშვილი, „მორნიბიე კაჰ“
ირინა ტაბაღუა, „ტელეფას ცხვარი“
მიშა ანდღულაძე, „ნადგომი წყალი“
თენგიზ პაჭკორია, „აჩქარებული პულსი“
თამარ არდიშვილი, „დიოფიტები“
თინა ჭილაძე, „თამაზთან და ოთართან ერთად“
ელენე კვირკველია, „წყვეტა“
გუგა ჩხიკვაძე, „წითელი კლავიშები“
გიორგი აბდუშელიშვილი, „წმინდა ლახვარი"
საბა სავანელი, „კაცი წნეხის ქვეშ“
კოკა წულაია, „გლდანის ციხის დღიური“
ცოტა ხნით ადრე, მწერლებმა ბესიკ ხარანაულმა, ვახტანგ ჯავახაძემ და გელა ჩარკვიანმა "ლიტერადან" წიგნები მოხსნეს.
ლიტერატურულ პრემია "ლიტერას" მონაწილეები საქართველოს კულტურის, სპორტისა და ახალგაზრდობის საქმეთა მინისტრ თეა წულუკიანის მიმართ პროტესტის ნიშნად კონკურსიდან თავიანთ წიგნებს ხსნიან.
როგორც კონკურსის მონაწილეები აცხადებენ, მათი პროტესტი კიდევ უფრო გაამძაფრა ლიტერატურული პრემიის ჟიურის შემადგენლობაში კულტურის სამინისტროს წარმომადგენლის დანიშვნამ. "ლიტერას" 5-წევრიან ჟიურიში კულტურის სამინისტრომ პუბლიცისტი იოსებ ჭუმბურიძე წარადგინა, რომელიც სამინისტროში წულუკიანის მრჩევლს თანამდებობას იკავებს.
მწერლების პროტესტს შეუერთდნენ "ლიტერას" ჟიურის წევრებიც. პროტესტის ნიშნად პრემია დატოვა ჟიურის ყველა წევრმა, გარდა იოსებ ჭუმბურიძისა.
"ლიტერას" მონაწილეთა უმრავლესობამ წერილობით მიმართა კულტურის მინისტრ თეა წულუკიანს და მის მიერ დანიშნული ჟიურის წევრის უკან გახმობა მოსთხოვა. კულტურის სამინისტრო ჯერჯერობით დუმილს ინარჩუნებს, იოსებ ჭუმბურიძე კი აცხადებს, რომ რჩება ჟიურიში და კანდიდატურის მოხსნას არ აპირებს.
