რუსეთის მთავრობის ახალი ბრძანების შესაბამისად, შეერთებული შტატები იძულებულია რუსეთში, კერძოდ, მოსკოვში, ვლადივოსტოკსა და ეკატერინბურგში დიპლომატიური წარმომადგენლობების 200-მდე თანამშრომელი გაათავისუფლოს.
აღნიშნულთან დაკავშირებით განცხადება სახელმწიფო მდივანმა ენტონი ბლინკენმა გაავრცელა.
სახელმწიფო მდივნის განცხადებით, თანამშრომელთა რაოდენობის შემცირება შედეგია რუსეთის მიერ დაწესებული შეზღუდვისა.
"ჩვენ ღრმა მწუხარებას გამოვთქვამთ, რომ [რუსეთის მთავრობის] ეს ქმედება გვაიძულებს გაათავისუფლოთ 182 ადგილობრივი და კონტრაქტორი თანამშრომელი ჩვენი დიპლომატიური წარმომადგენლობებიდან მოსკოვში, ვლადივოსტოკსა და ეკატერინბურგში", - თქვა სახელმწიფო მდივანმა.
ენტონი ბლინკენის განცხადებით, მიუხედავად რუსეთის ხელისუფლების ამ ნაბიჯისა, აშშ განაგრძობს მოსკოვთან პროგნოზირებადი და სტაბილური ურთიერთბებისკენ სწრაფვას.
13 მაისს რუსეთის მთავრობამ დაამტკიცა არამეგობრული სახელმწიფოების სია, რომელშიც ჩეხეთი და შეერთებული შტატები შევიდა.
ბრძანების შესაბამისად, შეერთებულ შტატებს [საელჩოს და საკონსულოებს] აეკრძალა შრომითი ხელშეკრულებების გაფორმება რუსეთის ფედერაციისა და მესამე ქვეყნების მოქალაქეებთან.
შეზღუდვები არ ვრცელდება აკრედიტებულ დიპლომატებზე.
