ოკუპირებული ცხინვალის რეგიონიდან საქართველოს დანარჩენ ტერიტორიაზე ღორის აფრიკული ჭირის გავრცელების საფრთხე არ არსებობს. იუწყება სურსათის ეროვნული სააგენტო.
უწყების ინფორმაციით, სააგენტო მაქსიმალურად აკონტროლებს ეგრეთწოდებული საზღვრის მიმდებარედ არსებულ ვითარებას.
"ბიოუსაფრთხოების ნორმების დაცვის და უზრუნველყოფის მიზნით, სააგენტომ ინფორმაცია მყისიერად მიაწოდა რეგიონში არსებულ ორგანიზებულ ფერმებსა და მოსახლეობას", - ნათქვამია განცხადებაში.
შეგახსენებთ, ოკუპირებული ცხინვალის რეჟიმმა რამდენიმე სოფელში აფრიკული ჭირის გავრცელების შესახებ განაცხადა.
